Një ngjarje jo e zakontë ka ndodhur në zonën e liqenit Artificial të Tiranës.
Katër punonjës policie shihen në një video duke dhunuar një adoleshent, të cilin fillimisht e ka shtrirë përtokë dhe më pas e godasin.
Në video duken dy punonjës policie që i shtrëngojnë me dhunë përtokë fytyrën të riut.
Më pas e shoqërojnë drejt makinës së policisë. Adoleshenti ishte me biçikletë dhe dyshohet se ka thyer rregullat kundër përhapjes së koronavirusit.
Një qytetar i pranishëm në vendin e ngjarjes ka nisur videon në redaksinë e “JOQ”. Ende nuk ka një reagim zyrtar. “Djali në video është një i mitur dhe dhunohet nga policia për shkak të daljes jashtë orarit”, thotë qytetari që ka dërguar videon.
