Një 42 vjeçar shqiptar ka humbur jetën teksa përpiqej t’i shpëtonte ndjekjes së policisë italiane.
Sipas mediave të huaja, policia po zhvillonte një aksion ndjekjeje ndaj në automjeti tip ‘Fiat’, i cili ishte denoncuar si i vjedhur, kur ka qëlluar në drejtim të tre pasagjerëve.
Njëri nga plumbat raportohet se ka prekur në zonën e kraharorit 42- vjeçarin shqiptar, i cili ka ndërruar jetë ditën e sotme në një spital italian.
Policia po heton për zbardhjen e plotë të ngjarjes, ndërsa nuk bën me dije identitetin e viktimës dhe bashkëpunëtorëve të tjerë.
