Ndotje masive në basenin ujor të portit të ri të peshkimit në Durrës. Ndotja ka ndodhur gjatë natës dhe nuk është identifikuar ende anija e peshkimit që ka derdhur hidrokarburet dhe mbetjet në det.
Alarmi për ndotjen është dhënë nga Organizata e Menaxhim Peshkimit e cila ka konstatuar këtë ndotje ekologjike të radhës, ndërkohë që ky port mbahet ende peng i procedurave burokratike të Ministrisë së Bujqësisë.
Ndonëse anijet e peshkimit janë zhvendosur në nëntor 2017 në portin e ri, ai nuk është dorëzuar ende duke lënë jashtë çdo kontrolli këtë investim të rëndësishëm në sektorin e peshkimit dhe turizmit./ Tch
