Policia ka vënë në pranga 3 agresorët që sulmuan me thikë çiftin e të fejuarve, ditën e djeshme në zonën e Unazës në Tiranë.

Janë arrestuar Halit Ndreu, Ndriçim Shima dhe Fati Plangaj, pasi akuzohen për plagosje të shtetasve Altin M., rreth 27 vjeç dhe të fejuarën e tij Klaudia K.

Çifti është qëlluar me thikë dhe shkopinj. Halit Adreu ka pohuar në polici se ka qenë i fiksuar me 23-vjeçaren Klaudia. Ajo nuk ka pranuar të lidhet me të dhe ndonëse e dinte se ajo ishte e fejuar me dike tjetër, vazhdonte ta ngacmonte.

Njoftimi i djeshëm i policisë:

Më datë 06.05.2018, rreth orës 15:00, në zonën e Unazës së Re, si pasojë e një konflikti të ndodhur jashtë një lokali, kanë mbetur të plagosur me mjet prerës (thikë) shtetasi A. M., rreth 27 vjeç dhe e fejuara e tij, shtetësia K. K., rreth 23 vjeçe.

Shtetasit e dëmtuar janë transportuar për ndihmë mjekësore në Spitalin Ushtarak dhe aktualisht ndodhen jashtë rrezikut për jetën.