Gjatë një takimi në Teatrin Kombëtar, artistët janë shprehur sërish kundër prishjes së godinës së këtij institucioni, por restaurimit të tij.
“Nuk di të jetë konsultuar. Një arkitekt me tha ajo që pashë nuk vlen as për teatër të Lezhës, por unë si minimalist e pranova. Duhet të jenë në diskutim edhe prishja edhe ndërtimi, të behët një teatër i mirë që të rrojë 500 vjet.
Megjithatë unë mendoj që toka e këtij teatri është më e shenjta. Ky është Jerusalemi jonë të cilën duan ta mbysin “kryqëzatat”. Tani për ne që kemi ka 70-80 vjet këtu, nuk është gjynah që të vijnë 3-4 biznesmenë dhe ta marrin e ta shesin këtë tokë?! Kjo nuk ka logjikë. Prandaj ne të mbrojmë tokën se kjo është e jona, e komunitetit”- tha Ndrenika.
