Liroi  nëpunësit profesionistë nga detyra “për shkurtim organike”, por menjëherë mori në punë komisarët e partisë së vet

Në fillim të këtij viti, ministrja e Drejtësisë, Etilda Gjonaj, në kuadër të luftës së klasave, si pasardhëse ushtaraku të regjimit të djeshëm, urrejtjen ndaj armikut e shpreh me vepra. Pa u menduar fare, në kuadër të “rikonstruksionit” të ministrisë, liroi 5 nëpunës profesionistë për t’i hapur rrugë emërimeve të komisarëve socialistë. Siç është bërë modë tashmë, shkatërrohet struktura e një ministrie vetëm që të përligjen heqjet nga puna. Gerald Xhafa, Arlind Arapi, Valbona Kryemadhi, Petrit Bakiu dhe Bledar Kabashi, i liruan nga detyra, por menjëherë e goditën aktin administrativ në Gjykatën Administrative të Shkallës së Parë Tiranë . Avokati Ledio Nuraj që mbrojti në gjykatë u shpreh i habitur për aktet e ministres në fjalë. Kur një institucion shkurton punonjës, minimalisht ai nuk duhet të marrë të tjerë. Çdo lëvizje tjetër, nuk quhet veçse motivim politik.