Javës tjetër, më 19 maj, Bashkia e Shkodrës do të çelë sezonin e ri turistik në Velipojë. Ky eveniment i përvitshëm dhe i rëndësishëm organizohet në bashkëpunim me organizatat “The Door” dhe “Albanian Water Sport and Tourism”.

Në ceremoninë e çeljes do të jetë e pranishme edhe kryebashkiakja Voltana Ademi, e cila do të mbajë edhe fjalën e rastit. Dita festive e ceremoniesë së çeljes së sezonit do të vijojë me shumë aktivitete sportive e promovuese. Fillimisht pas ceremoniesë, do të ketë një panair i vlerave dhe produkteve të Velipojës, më pas ndeshje futbolli, hendbolli e volejbolli, si dhe aktivitete me sportet e ujit. Të pranishmit do të kenë mundësi të bëjnë edhe një shëtitje në rezervuarin e Velipojës, për ta mbyllur me një koncert festiv, nën praninë e këngëtrares shkodrane Rezarta Smaja dhe bendit të saj.

Bashkia e Shkodrës i ka marër të gjitha masat për të pasur një sezon turistik sa më të frytshëm, pasi jo vetëm rëra e bregdeti janë pastruar por ka përfunduar edhe infrastruktura e nevojshme për një sezon tursitik sa më të mirë.M.F/55News.al/