Bashkëshortët Lulëzim dhe Lirie Selfo janë përplasur nga shpërthimi i eksplozivit pasi kanë hapur derën e shtëpisë e për pasojë kanë mbetur të plagosur. Të dy janë transportuar në spital pas lëndimeve të shumta.

Shpërthimi ndodhi në orën 6:22 të mëngjesit ndërsa çifti rezulton pa precedent penal.

Dyshimet e para të policisë janë se ngjarja lidhet me konflikte pronësie.

Njoftimi i policisë

Më datë 15.05.2018, rreth orës 06:22 në zonën e Mëzezit, dy shtetasit L. S., dhe L. S., (bashkëshortë) kanë qenë duke dalë për në oborrin e shtëpisë dhe në momentin që kanë hapur derën e shtëpisë ka ndodhur një shpërthim ku si pasojë e shpërthimit kanë mbetur të dëmtuar të dy bashkëshortët.

Shtetasit e dëmtuar janë transportuar në spital për ndihmë mjekësore dhe ndodhen jashtë rrezikut për jetën. Shërbimet e policisë ndodhen në vendngjarje dhe po punohet për zbardhjen e rrethanave dhe shkakut të ngjarjes.