Policia e Vlorës ka identifikuar autorët e plagosjes së ditës së djeshme në lagjen “Pavarësia”, ku mbeti i plagosur me armë zjarri Eraldo.L.

Në njoftimin e shpërndarë për mediat, blutë e Vlorës sqarojnë se janë shpallur në kërkim N.Ç.,(T)., 34 vjeç, banues në Tiranë, G.GJ., 28 vjeç, banues në Radhimë, dhe M.A., 25 vjeç, banues në Babicë e Madhe.

Ndërsa, është vënë në pranga i plagosuri, pasi gjatë kontrollit të ushtruar në mjetin e tij “Range Rover”, u gjetën dhe u sekuestruan 200 fara bimore kanabisi.

Në cilësinë e provës materiale janë sekuestruar, një gëzhojë arme zjarri, 200 fara bime narkotike kanabisi dhe 2 automjete tip ''Porsche'' e ''Range Rover''.

Policia thotë se po vijon hetimet për të vënë në pranga 3 të shpallur në kërkim. /55News.al/