Dy persona janë venë në prangat e policisë së Durrësit pasi dyshohen si autorët e vjedhjes së prokurorisë. Ata janë arrestuar me urdhër prokurorisë pas hetimit të nisur. Dy autorët e dyshuar po merren në pyetje dhe pritet që policia të dalë me deklaratë për mediat.
Kujtojmë se një ditë më parë u konstatua vjedhje në këtë institucion ku ishin marrë dosje dhe kompjuteri i një prokurori si dhe ishte ndërhyrë në serverat për të zhdukur pamjet filmike.
Grabitësit kanë hyrë me forcë gjatë natës se kaluar në Prokurorinë e Durrësit në zyrën e prokurorit Afrim Shehu, që po hetonte dosjet e korrupsionit të zyrtarëve për tjetërsimin e pronave në Ishëm. Paraprakisht është vërejtur se janë synuar në mënyrë specifike, dosjet e disa zyrtarëve që po hetohen për shpërdorim detyre.
