Policia ka dhënë detaje lidhur me ngjarjen e rëndë që ndodhi sot në orët e para të mëngjesit në Elbasan ku nga përplasja e mjetit humbi jetën drejtuesi.

Më datë 28.05.2018, rreth  orës 01:50, në aksin rrugor  Elbasan –Metalurgji,  mjeti tip “Benz” me targa AA 325 EG, me drejtues shtetasin Klodian Korançe, në  lagjen “Skënderbej”, Elbasan, paraprakisht dyshohet se  ka humbur kontrollin e mjetit duke u përplasur me rrethimin e një servisi në anë të rrugës.

Si pasojë e përplasjes mjeti ka shpërthyer, ku ka gjetur vdekjen drejtuesi i mjetit shtetasi Klodian Korançe 24 vjeç, banues në lagjen “Skenderbej”, Elbasan.

Grupi hetimor vijon veprimet në vendngjarje ku pritet të mbrijnë ekspertë më të specializuar për zbardhjen e plotë të rrethanave të ngjarjes si dhe për përcaktimin e saktë të shkakut të daljes nga rruga dhe të shpërthimit të automjetit.