Paralel me Unazën e Madhe të Tiranës, poshtë Kodrës së Diellit ndodhet një segment rrugor afërsisht 500 m, që bart emrin e zotit Shkëlqim Fusha, i cili është pronari i shoqërisë “Fusha sh.p.k.”, shoqëri kjo e cila ka bërë edhe ndërtimin e këtij segmenti rrugor para disa vitesh.
Rruga figuron me këtë emër edhe në “Google Maps”. Banorët e zonës, të pyetur për emrin e rrugës pohojnë se ajo quhet rruga “Shkëlqim Fusha”.
Paradoksi ndodh pasi, sipas ligjit të Sistemit të Adresarit dhe Rregullores së Bashkisë së Tiranës, rrugëve u vendosen emra të personave që nuk jetojnë më.
