Filmi i regjisores Lendita Zeqiraj, “Gardhi” u shfaq mbrëmjen e djeshme të premierës botërore në “Palm Springs International Short Film Festival” në Shtetet e Bashkuara të Amerikës.

Në premierën e shfaqjes të këtij filmi ishin të pranishëm regjisorja Zeqiraj dhe aktorët Arti Lokaj, Rozafë Çelaj e Ilire Vinca.

“Palm Springs International Short Film Festival” është një nga festivalet më të rëndësishme botërore, ku bashkohem emrat më të rëndësishëm të regjisurës.

Regjisorja Zeqiri ishte shumë e lumtur dhe e emocionuar për që solli para publikut rrëfimin e saj rreth realizimit të këtij projekti filmik, ku nuk munguan pyetje të ndryshme rreth filmit e sidomos për kastin e aktorëve të mrekullueshëm.

“Gardhi” është prodhim i shtëpisë filmike “N’art” i mbështetur nga Qendra Kinematografike e Kosovës.

Palm Springs International ShortFest & Film Market, mbahet prej 19 – 25 Qershor 2018, në Palm Springs. Ai është festivali më i madh dhe më i rëndësishëm i filmit të shkurtër në Amerikën veriore, me më shumë se 5000 aplikime çdo vit, nga 100 shtete të ndryshme të botës.