Besojmë që tanimë nuk ka një person të vetëm që të mos ketë dëgjuar për “Bohemian Rhapsody” apo të ketë parë filmin ku tregohet biografia e një personi aq karizmatik sa Freddie Mercury dhe aktiviteti i grupit legjendar Queen.
Ky film e ka arritur suksesin që dëshiroi. Deri më sot ka marrë 802.5 milionë dollarë në nivel global me një buxhet prej vetëm 52 milion dollarë që është realizuar filmi. Kështu, filmi mori dy fitore në Golden Globes (për Malekin si aktori më i mirë në një film-dramë, si dhe Best Motion Picture-Drama) dy çmimet e ekranit në nominimet e Guild (një për Malek dhe një për të gjithë kastin) dhe pesë nominime për Oscar(përfshirë aktorin më të mirë për Malek dhe Best Picture), gjithashtu Queen u kthyen sërish në treg pasi të gjithë kanë hyrë të kërkojnë këngët dhe jetën e tyre pasi panë filmin.
Megjithatë, pak para ndarjes së çmimeve Oscar ku “Bohemian Rhapsody” është pretendente, kritikët kanë treguar se në fakt, filmi ka shumë detaje të ndryshuara nga jeta e vërtetë e Mercuryt dhe grupit.
Më poshtë gjeni detajet e ndryshuara:
Si Freddie takoi djemtë e grupit
Siç tregon filmi, një i ri Freddie Balsura – duke përdorur ende mbiemrin e tij dhe duke punuar si mbajtës i bagazheve në aeroportin Heathrow të Londrës – u ndodh në një shfaqje të grupit më të hershëm të Taylor, Smile, në natën që solisti i tyre u largua. Megjithatë, në jetën reale, Freddie kishte qenë mik me grupin që nga fillimi i vitit 1969, pasi u takua me këngëtarin Tim Staffell në Waling Art College. Në fillim të vitit 1970, kur Staffell u largua, Mercury jetonte me May dhe Taylor dhe e kishte bërë ambicien e tij të qartë të ishte solisti i grupit.
Si Freddie takoi Maryn
Në film, Freddie takon Mary Austin, të dashurën e tij për një kohë të gjatë, të njëjtën natë që takoi grupin, duke i thënë asaj se i pëlqente xhaketën para se ta gjente në vendin ku ajo punonte, në Boutique Biba. E vërteta, megjithatë, është aq e komplikuar sa historia e tij me May dhe Taylor. Maji dhe Mercury në fakt shkonin shpesh në dyqanin e modës bashkë për të parë punonjësit meshkuj të cilët ishin shumë simpatikë dhe ndër më të preferuarit e qytetit për stilin që kishin.
Diagnoza e HIV-it e Freddie
Në film, Freddie i zbulon grupit se ai është HIV pozitiv gjatë provave për performancën live të koncertit Live Aid London në verën e vitit 1985. Megjithatë, ndërsa koha e saktë që Mercury e mësoi sëmundjen mbetet një mister, një test i HIV-it i marrë në vitin 1987 nxorri rezultatet që u konfirmuan vetëm kur mjekët e tij kontaktuan Austin për të dhënë lajmet urgjente, pasi ai vetë ishte duke u shmangur thirrjeve të tyre.
