Jonida Maliqi është ngjitur sot për herë të parë në skenën e Tel Avivit për provën e ‘Eurovision’. Ajo ka zbuluar edhe veshjen që do të mbajë gjatë natës së dytë gjysmëfinale, më 16 maj.
Gazetarët e huaj që po i ndjekin nga afër provat në Izrael kanë vlerësuar performancën e Jonidës me ‘Ktheju Tokës’, duke theksuar se kengëtarja shqiptare përfaqëson këtë vit zërin më të fuqishëm të gjithë festivalit.
Sa i përket paraqitjes në skenë, raportohet se ajo ka çaluar për shkak të organizatorëve dhe jo prej Jonidës. Skena konsiderohet shumë e errët çka e bën të vështirë që detajet e performancës të fiksohen nga publiku.
Përpara se të përgatitet për gjysmëfinalen, Jonida Maliqi do të zhvilloj në ditët në vijim një tjetër provë në skenën e Tel Avivit.
