Artistë të shumtë por dhe qytetarë po vijojnë protestën e radhës kundër prishjes së Teatrit Kombëtar. Në këtë takim kanë marrë pjesë njerëz nga fusha të ndryshme të cilët kanë shprehur pikëpamjet e tyre në lidhje me këtë çështje.

Artistët deklarojnë që të mos cenohet territori i Teatrit Kombëtar, pasi sipas tyre godina mbart vlera dhe prandaj duhet ruajtur. Alert Çeloaliaj një prej anëtarëve të SASE, tregoi se sindikatat do të bashkohen në një të vetme për të treguar se nuk ka mendime të ndryshme dhe nuk janë të ndarë.

“Sindikatat do të shkrihen në një sindikatë të vetme. Kjo është e rëndësishme pasi është krijuar një perceptim sikur ka 300 ide dhe 300 mendime. Nuk është e vërtetë ka vetëm një qëndrim të të dyja sindikatave”, tha Çeloaliaj.