Prej dy ditësh japin shfaqje në Teatrin e Metropolit grupe të ndryshme të teatrove të kukullave.

Që nga 27 maj deri në 1 qershor janë pesë shtete, si Kina, Spanja, Turqia, Rumani dhe Shqipëria, të cilat përfaqësoheshin me vepra teatrore, të vlerësuara me çmime ndërkombëtare. Këtë të martë është radha e Shqipërisë me shfaqjen ‘Don Kishoti’.

Nëpërmjet shkëmbimit kulturor ky projekt ka si objektiv të njohë spektatorin dhe artistët e këtij zhanri në vend, me format e reja dhe konceptet bashkëkohore të vendeve të ndryshme në botë, duke krijuar mundësinë e kultivimit cilësor të këtij zhanri artistik dhe aq edukativ.

Ndërsa në ditën përmbyllëse të festivalit do të hapet me një ekspozitë etnografike me punë nga autorë të ndryshëm nga trevat shqipfolëse në Muzeun Kombëtar. Shfaqjet jepen në një skenë të hapur për publikun pasdite edhe në sheshin “Skënderbej”.