Në seancën e kaluar gjyqësore ishin marrë në pyetje tre ekspertë nga MPB-ja, të cilët kishin kryer analiza dhe hetime të disa automjeteve.

Për rastin “Monstra”në procedurën paraprake, lëndë e analizës ishin veturat “opel omega”, “golf 3”, “folsvagen pasat”, “pezho 306” dhe “mazda 626”.

Ekspertët thanë se nga analizat e bëra të shenjave të gishtërinjve dhe gjurmëve në automjetet, te “pezho 306” ishin identifikuar gjurmë të Alil Demirit dhe Samir Lutës, i cili më vonë është vendosur në sistemin për analiza nga SPB Shkup, përderisa nga gjurmët nga “folsfagen pasat” ishin identifikuar Alil Demiri, Agim Ismailoviq dhe Fejzi Aziri.

Kryetari i Këshillit Gjyqësor Ognen Stavrev, në fillim informon se ende nuk ka përgjigje për kërkesën e ekstradimit të të dy të akuzuarve, Alil Demiri dhe Afrim Ismailoviq të cilët janë në arrati në Kosovë.

Rasti “Monstra” në shkurt të këtij viti filloi që nga fillimi dhe ende është në procedurën e dëshmive.

Për vrasjen e  pesëfishtë në Liqenin e Smillkovës më 12 prill të vitit 2012, kur ishin vrarë djelmoshat Kire Triçkovski, Filip Sllavkovski, Cvetanço Ackovski, Aleksandër Naqevski dhe peshkatari Borçe Stefanovski, me burg të përjetshëm ishin dënuar Alil Demiri, Afrim dhe Agim Ismailoviq, Ezim dhe Haki Aziri dhe Sami Luta. Gjykata Supreme në dhjetor të vitit të kaluar i ndërpreu dënimet dhe rastin e ndërmori PSP-ja.