Ambasada amerikane në Kosovë po i vëzhgon zgjedhjet nëpër gjithë territorin e Kosovës.

Përmes një njoftimi në Facebook, stafi i ambasadës amerikane dhe ambasadori i saj Philip Kosnett kanë qëndruar nëpër Kosovë ku kanë vëzhguar procesin zgjedhor që po mbahet sot.

“Ekipet e ambasadës, përfshirë ambasadorin Kosnett kanë qenë nëpër Kosovë duke vëzhguar zgjedhjet dhe duke shikuar se si Kosova zgjedh për një të ardhme paqësore dhe prosperuese”, thuhet në njoftimin e ambasadës amerikane në Kosovë.

Dalja e përgjithshme deri në orën 15:00 është mbi 29 për qind nga totali i përgjithshëm, gjithmonë bazuar në të dhënat e dërguara në KQZ.

Përkthyer në numër deri tani kanë votuar më shumë se 500 mijë persona.

Këto të dhëna janë dërguar nga 83,67 për qind e vendvotimeve, ndërkohë të dhënat përditësohen nga KQZ-ja kohë pas kohe./GazetaExpress/