Kryeministri i Kosovës Ramush Haradinaj  ka takuar sot homologun e tij nga Mali i Zi, Dushko Markoviq.

Haradinaj tha se së bashku ata ranë dakord se rajoni ka hapur një kapitull të ri bashkëpunimi.

“Vazhdimësi e dialogut me kryeministrin e Malit të Zi, për nismat rajonale që na afrojnë si dhe për projektet infrastrukturore që forcojnë lidhjet ndërmjet dy shteteve tona.

Me homologun, Duško Marković, u pajtuam që rajoni ynë ka hapur një kapitull të ri bashkëpunimi dhe se rezultatet pozitive për dy shtetet tona dhe tërë rajonin janë të sigurta”, është shprehur Haradinaj.