Dy persona kanë vdekur dhe dy të tjerë janë plagosur në një aksident rrugor të ndodhur ditën e sotme në aksin Prishtinë-Ferizaj.
Mësohet se autobusi i linjës Prishtinë-Ferizaj ka humbur kontrolli dhe ka përfunduar në një pikë karburanti në anë të rrugës, ku ka goditur edhe tre makina të tjera.
“Rreth orës 14:40 një aksident ka ndodhur në magjistralen Prishtinë- Ferizaj. Të përfshirë në aksident janë një autobus dhe tri vetura.
Të gjitha njësitet relevante kanë dalë në vendin e ngjarjes”,- tha majori i komunikacionit rrugor në Prishtinë, Milaim Fejzullahu.
