Pas vranësirave dhe reshjeve të shiut të orëve të mëngjesit tashmë kthjellimet po fillojnë të “dominojnë” në pjesën më të madhe të territorit, deri në kthjellim të plot dhe pa vranësira me kalimin e orëve.

Temperaturat e mesditës sot nuk i kaluan vlerat prej 22-23ºC ndërsa era është relativisht e qetë me drejtim jugperëndim-veriperëndim dhe shpejtësi deri në 8m/s.

Pjesa e parë e ditës së nesërme do të jetë me kthjellime dhe vranësira të pakta kalimtare. Prej orëve të mesditës gradualisht do të kemi shtim të vranësirave mesatare deri të dendura në pjesën më të madhe të vendit. Reshje shiu me intensitet të ulët fillimisht në zonën e jugut për tu shtrirë pas orëve të pasdites në të gjithë territorin me intensitet të ulët dhe mesatar.

Temperaturat në vlerat minimale pritet të pësojnë një rënie të ndjeshme duke prekur vlerat nga 4ºC në zonat malore deri në 10ºC në ato të ulta dhe bregdetare. Ato në vlerat e mesditës pritet të jenë pothuajse njësoj më ato të ditës së sotme me një rritje të lehtë prej 1-2ºC.

(Shërbimi Meteorologjik Shqiptar)