Një anije lundrimi  që mbeti në det, për shkak se portet ishin të shqetësuar se mos pasagjerët u sillnin koronavirusin, më në fund është lejuar të ndalet në Kamboxhia.  

‘MS Amsterdam” ishte detyruar të largohej nga pesë porte aziatike ditët e fundit.

Një tjetër anije është në karantinë në Japoni me shumë se 200 persona të infektuar, por “Amsterdam” me më shumë se 2000 vetë pasagjerë dhe ekuipazh, nuk kishte asnjë. 

Vetëm të martën, kroçiera u përpoq të ndalej në Bankok, por nuk iu dha leje. Një anije e Marinës Tajlandeze e shoqëroi atë që të dilte nga Gjiri i Tajlandës nga ku ajo iu drejtua pastaj Kamboxhias.

Vetëm të enjten në mëngjes, më në fund anija arriti të ankorohej në portin Sihanoukville.

“Sot, vetëm thjesht të shikoje tokë, ishte një moment çlirimi”, tha pasagjerja Angela Jones nga SHBA, për Reuters. “Po mendoja: a është e vërtetë?”