Nga Kastriot Dervishi

Nëse shohim rrënjët e kuadrit të regjimit komunist, vërejmë me lehtësi se pikësëpari ka qenë regjim injorantësh, kriminelësh e hajdutësh. Mjafton të ishe element i paditur, mundësisht fshatar në disa breza e nga zona e parë operative që formoi Miladini e Dushani, familje dëshmori po se po, dhe plotësohej gjithë kushtet për të shërbyer në aparatin diktatorial, sigurisht me urrejtje maksimale ndaj “armikut” që nuk ishte tjetër veçse shqiptar. Nuk gjen kohë tjetër në historinë tonë kur e gjithë inteligjencia ishte në burg, varr ose e arratisur, ndërsa injoranca e gjitha në pushtet. Fotografia e takon viteve ’50 në kohën kur Sigurimi filloi kurset e para për zhdukjen e analfabetizmit në radhët e veta. Pamja e kuadrit të kurseve është tregues i qartë i formimit të tyre.  Sidomos e femrave që i shërbejnë një çështje që në thelb është urrejtje.