Nga Kastriot Dervishi

Në fillim në vitit 1950, kërkesat e Kasem Trebeshinës për largim nga instituti i lartë janë shtuar. Praktika e largimit të tij nga instituti vijon me një vizitë te mjeku dhe dy kërkesa të tjera drejtuar legatës shqiptare në Moskë.

***

Zoti Kasem Trebeshina vizitoi Poliklinikën speciale “UPDK 24” më 27 shkurt 1950 dhe u ekzaminua nga profesori neurolog Kulkov.

Diagnoza: Sindroma stenovegetativ të një karakteri psikopatologjik të tipit të ideve fikse.

Konkluzioni: Sipas sferës intelektuale psikike sot për sot studimi i mëtejshëm nuk është i mundur.

Drejtori i Poliklinikës speciale

Rabonov D.V.

***

Legatës shqiptare

(Për Ministrinë e Arsimit)

Moskë

I nënshkruari Kasem Trebeshina paraqes sa më poshtë vijon:

Disa muaj më parë kam paraqitur një lutje, përgjigjen e së cilës akoma nuk e kam marrë.

Lutem që çështjes t’i jepet një përfundim mbasi i nënshkruari deklaroj se nuk jam i aftë t’i shërbej me asnjë punë popullit dhe partisë. Si rrjedhojë, duke i njohur ligjet e shtetit, jam gati të kalon në dispozicion të Prokurorit të Shtetit.

Mbetem me shpresë se lutja ime do të merret parasysh.

Moskë 27.2.1950

***

Legatës shqiptare, Moskë

I nënshkruari Kasem Trebeshina paraqes sa më poshtë vijon:

Në bazë të urdhrit të dhënë prej asaj legate, nisem për në qytetin e Leningradit, por deklaroj se mësimet nuk jam në gjendje t’i vazhdoj, asnjë përgjegjësi të karakteri nuk marr mbi vete.

Moskë 28.2.1950

(vijon)