Nga Kastriot Dervishi

Më 21 janar 1924 u çel Kuvendi Kushtetues i Shqipërisë, dalë nga zgjedhjet e 27 dhjetorit 1923. Meqë ishte organ prej së cilit do përcaktohej edhe forma e regjimit, mbretëri apo republikë, ditën e parë të çeljes së punimeve, në Tiranë u organizua një ceremoni festive. Për fat të keq, deri ditët tona kanë mbërritur fotot e ceremonisë së hapjes jashtë godinës, por asnjë brenda saj. Në atë kohë, punimet e Kuvendit zhvilloheshin në katin e dytë të shtëpisë së Zija Toptanit (Akademia e Shkencave sot).Në foton kryesore janë deputetët e Beratit me në krye deputetin Sami Vrioni. Rruga ku ato kalojnë është ajo përpara selisë së vjetër të Partisë Demokratike. Fotot tregojnë të njëjtin vend në kohë të ndryshme. Rruga nuk ka ndryshuar. Nga të dy anët e saj janë ndërtuar objekte.