Nga Kastriot Dervishi

Në historikun e Brigadës së 2-të gjenden edhe shumë beteja “heroike” që plotësojnë më së miri tablonë e luftës civile në Shqipëri, një lufte ku armiku nuk shihet gjëkundi. Në jugun e Shqipërisë kjo ka qenë më e theksuar sepse ajo që u zhvillua atje në vitet 1943-1944, më pas u zhvillua në gjithë Shqipërinë.

Pjesë nga historiku i “betejave” siç e kanë shkruar vetë

Më 11.9.1944 kompania e 1-rë dhe e 3-të e Batalionit të 1-rë, në bashkëpunim me Batalionin “Fuat Babani”, sulmuan katundin ballist Baban, ku gjendeshin brenda dhe një batalion ballist prej 120 vetash. Zjarri u hapë në 2 mbas mesnate dhe vazhdoi deri në orën 6.00 të mëngjesit. Forcat që sulmuan brenda në katund ishin kompania e 3-të, një skuadër e kompanisë së 1-rë e Batalionit “Fuat Babani”. Mbas këtij luftimi, kompania e 3-të zuri 38 robër ballista dhe skuadra e kompanisë së 1-rë, 8 të tjerë. Prej forcave tona u dogjën tre shtëpi të reaksionarëve. U dogj dhe një depo e madhe municioni. Ranë në fushën e betejës shokët:

1-Raqi Themeli nga Korça

2-Selim Bleta nga Vermiku i Vlorës