Nga Kastriot Dervishi

Ndërsa propaganda komuniste kundër kundërshtarit të thante duke akuzuar ballistët se “hanin pula”, vetë komunistët gjatë luftës ishin kampionë të qelepirjes e konsumit të kafshëve të rënda në mish. Përveç qengjave e kecave, një ushqim i pëlqyer mbeteshin dythundrakët e rëndë. Shokët e partisë për viça, lopë dhe dema, të grinin. Sigurisht i rrëmbenin dhe nuk ua falte kush. Pjesë e më poshtme është ekstrakt nga letra e datës 22 nëntor 1943, e komisarit politik të kompanisë së parë të Batalionit “Fuat Babani” Mihallaq Ziçishti, për Shtabin e Qarkut të Korçës. Ndërsa nëpër filmat heroikë të kinostudios, partizanët paraqiten sikur hanin bukë e qepë me popullin.

Letra

Sikurse ju lajmërova, dje në shtëpinë e Hysen Dilkës (Voskp) morëm 1 lopë, 1 dem dhe 3 viça. 2 viça u therën dje për ushqimin e Batalionin “Shqiponja” dhe kompaninë tonë. Një tjerë të vogël e kishin therru sot për neve me urdhër të komandantit të kësaj kompanie. Pra, po ju dërgoj 1 lopë dhe demin.