Në Tiranë u mbajt një mbledhje e intelektualëve për të kundërshtuar ideologjinë komuniste dhe për t’i shërbyer çështjes kombëtare. Shtypi shkruante se mentarët vendosën “për qeverinë dhe për kufijtë etnikë kundër terrorit të kuq”. Sipas kësaj letre, mbledhja është zhvilluar më 12.7.1944, por shtypi i kohës e ka njoftuar me shumë vonesë.

U formua Komiteti për Bashkimin e Shqiptarëve, që shpalli një program në të cilin u bëhej thirrje shqiptarëve për bashkim tokësor, përkrahjen e qeverisë dhe propagandimin e formimit të njësive të armatosura, ndriçimin e mendimit botor mbi rrezikun që kërcënonte tërësinë dhe kombin shqiptar si dhe deklarimin e asnjanësisë së Shqipërisë në konfliktin botëror (po aty, 22 gusht 1944). Moto e komitetit u bë “Shqipëri e re, etnike, e pavarur”. Pjesëmarrësit ishin:

Xhelal Staravecka, Jorgji Nano (Berati), Zijahudin Kodra, Qenan Dibra (Dibra), Et’hem Cara, Gjon Vlashi (Durrësi), Niko Beça, Mehmet Myftiu (Elbasani), Jani Dilo, Eqerem Çabej (Gjirokastra), Gaqo Gogo, Qazim Prodani (Korça), Xhaferr Deva, Xhelal Mitrovica, Sulejman Riza, Rexh Meta, Rexhep Krasniqi, Ibrahim Jakova, Ahmet Gashi, Sadri Faslliu, Cin Rakacolli (Kosova), Izef Bebeziqi, Gjon Kovaçi (Shkodra), Halil Mëniku, Mehmet Ali Beshiri (Tirana), Shuaip Kamberi, Mentor Çoku (Tetova), Jusuf Allamani, Abaz Qazim Shehi (Peshkopia). Vlora abstenoi pjesëmarrjen. Kryetar i komisionit nismëtar ishte Fejzi Alizoti, ndërsa kryetar është zgjedhur Anton Kosmaçi.