Pjetër Arbnori u ridënua në prag të lirimit nga burgu

Hënë, 20 December 2021 20:22
Në politikën penale të organeve të diktaturës komuniste, kur një i dënuar ishte në prag të lirimit nga burgu, përdorej si mjet frikësimi rekrutimi me material shtrëngues. Kur i dënuari refuzonte, në pjesën më të madhe, ai ridënohej. Si dokumente fillestare për këtë shërbenin dosja formulare, si dhe disa kallëzime nga të burgosur me moral të ulët. Procesi i ridënimit zhvillohej nga një konsultim paraprak midis me Degës së 8-të të Drejtorisë së Parë të Sigurimit të Shtetit, organit të hetuesisë dhe degës së punëve të brendshme ku i dënuari vuante dënimin. Praktika dilte nga karakteri i fshehtë agjenturial-operativ në atë ligjor hetimor-gjyqësor, kur futej në lojë prokuroria.
Deri në gusht 1978 dosja formulare e përpunimin aktiv e Pjetër Arbnorit, (i cili vuante dënimin nga viti 1961) përbëhej nga 269 fletë. Ai ndiqej për agjitacion e propagandë, nisur me akuzën fillestare se kishte formuar parti në burg. Në drejtim të tij kishin raportuar një sërë bashkëpunëtorësh si: “Trëndafili”, “Bindja”, “Dardha”, “Radohima”, “Stugara”, “Shtogu”, “Tota”, etj. Organet dilnin në këtë konkluzion:
“Ka bërë një pjesë të madhe të dënimit në kampet e riedukimit dhe gjatë punës ka përfituar ulje nga masa e dënimit dhe së shpejti lirohet nga burgu. Kohët e fundit, me qëllim që t’i shpëtojë ridënimit, ai ka ndërprerë bisedat me karakter armiqësor dhe qëllimisht nuk futet në biseda me të dënuar të tjerë. megjithëse këtë, siç vihet në dukje edhe gjatë kohës së dënimit ai ka zhvilluar aktivitet të mprehtë armiqësor me tendencë organizimi, nga e cila nuk ka hequr dorë, se paraqet rrezikshmëri të theksuar shoqërore e për këtë propozojmë rimarrjen e tij në përgjegjësi penale. Të këtij mendimi janë edhe shokët e hetuesisë”.
Arbnori u arrestua më 30.1.1979. U dënua me 12 vjet heqje lirie për agjitacion e propagandë. U lirua nga burgu më 3.8.1989.
Login to post comments

Lajmet e fundit

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Politikë

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Nga Gezim Sadikaj: Si perfaqsues i banorve qe protestuan kunder grabitjes se shtepive dhe prones nga pushteti.Shebull tipik i kesaj masakre eshte dhe familja Billa prej 20 antaresh!Mervet Billa dhe Izet...

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

Globi

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

NATO sulmoi trupat serbe në vitin 1999 për të parandaluar një “katastrofë humanitare” në Kosovë. Krahasimi me Ukrainën është i gabuar.   Pas disa muaj negociatash, të cilat nuk dhanë rezultate, më...

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

Ekonomi

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

    Rritja e kostove, frenimi i konsumit, ulja e fitimeve ka bërë që bizneset të reduktojnë investimet në makineri e pajisje. Ulja e konkurrueshmërisë nga bizneset vendase po i lëshon gjithnjë e...