Më shumë se një muaj nga zjarri tragjik në periferi të Athinës, bilanci i viktimave është rritur.

Mediat në Greqi raportojnë se një 26-vjeçare ka ndërruar jetën në spitalin Evangelismos, ku ajo po trajtohej, duke e çauar numrin e viktimave në 99.

Ndërkohë, banorët e zonës së Matit të shkatërruar nga zjarri thanë se shumë prej punëve të premtuara për të rindërtuar zonat e dëmtuara nuk kanë filluar ende, ndërsa ato që kanë nisur po ecën me ritme shumë të ngadalta.