Ministri i jashtëm gjerman: Maqedonia ka shansin historik për ta zgjidhur çështjen e emrit

Tuesday, 18 September 2018 18:30

Ministri i jashtëm gjerman Heiko Maas në Shkup përgëzoi hapin historik mes Maqedonisë dhe Greqisë me nënshkrimin e Marrëveshjes së Prespës, me të cilën do të mund të mbyllet çështja e emrit.

Shpresoj se të gjithë maqedonasit më 30 shtator do ta shfrytëzojnë të drejtën e tyre për të dalë në referendum. E keni në dorë shansin historik për ta zgjidhur çështjen e emrit dhe të hapet perspektiva evropiane për Maqedoninë. Vendimi është në duart e qyetarëve të Maqedonisë , theksoi ministri gjerman i Punëve të Jashtme Heiko Maas. Sipas tij zgjidhja e çështjes së emrit është hap i rëndësishëm në drejtim të Evropës. "Maqedonia vitin e ardhshëm mund t'i fillojë bisedimet me BE-në. Unë jam i sigurtë se personat përgjegjës në Shkup do ta hapin këtë rrugë. Ne jemi për perspektivën evropiane të vendve të Ballkanit perendimor. Kjo është e rëndësishme për stabilitetin e rajonit, ndaj ky nuk është vetëm interes i juaj por edhe i yni evropian. Anëtarësimi në BE nënkupton edhe plotësimin e kritereve të tjera: funksionimi i shtetit juridik dhe lufta kundër krimit të organizuar", deklaroi Maas. Me zgjidhjen e çështjes së emrit u tregua se autoritetet në Shkup kanë vizion për të ardhmen e Maqedonisë, vlerëson Maas

Dimitrov: Gjermania është shtylla e Evropës, ndaj përkrahja e saj ka rëndësi të veçant

Vizita e kancelares Merkel në Shkup dhe tani e homologut tim Mas, janë sinjale të qarta dhe miqësore për përkrahjen e Maqedonisë nga ana e Gjermanisë. Këto sinjale na ndihmojnë të qëndrojmë në këmbë dhe të ecim para, ka thënë ministri i Jashtëm i Maqedonisë Nikolla Dimitrov. "Jetojmë në Evropë, e cila përballet me shumë probleme të sajat. Gjermania është shtylla e kësaj Evrope, e kësaj Evrope që ne dëshirojmë të bëhemi pjesë e saj, ndaj për mua është tejet me rëndësi mbështetja e parezervë nga Gjermania në drejtim të realizimit të qëllimeve tona strategjike", deklaroi Nikolla Dimitrov.

Njohja reciproke e patentave të shoferit

Gjermania do të njohë patentat e shoferëve të Maqedonisë, kësisoj që të gjithë qytetarët që udhëtojnë drejt Gjermanisë nuk kanë nevojë për patentë shoferi ndërkombëtare. Ndërsa ata që kanë qëndrim dhe punojnë në Gjermani me kërkesë të tyre mund të bëjnë ndryshimin e patentës së shoferit, duke u pajisur me atë gjermane. Kjo mundësi parashihet në Deklaratën për njohjen dhe ndërrimin e patentave të shoferave që u nënshkrua nga ministri i Brendshëm i Maqedonisë Oliver Spasovski dhe ambasadori gjerman në Shkup Tomas Gerberih. "Dita e sotme është shumë me rëndësi pasi nënshkruajmë marrëveshje të shumëpritur, marrëveshje ku gjetëm mënyrën të përfundojmë negociatat dhe ta nënshkruajmë atë. E dini se ky proces i bisedimeve zgjat një kohë të gjatë dhe jam i lumtur që arritëm për një vit të shmangim pengesa që të kyçet një marrëveshje e tillë", theksoi Spasovski. F.Musliu DW

Në aspektin praktik kjo nënkupton se në territorin e dy vendeve qytetarët që i përmbushin kushtet sipas deklaratës, ligjërisht qëndrojnë më gjatë 180-185 ditë në shtetin tjetër gjatë vitit, kanë leje të vozitjes së vlefshme dhe të cilët kanë mbushur 18 vjeç do të mund të bëjnë ndërrimin e lejeve nacionale nga vendi ku qëndrojnë. Ata më pas nuk do t'i nënshtrohen shpenzimeve shtesë për testim të sërishëm apo vërtetim mjekësor. Ministri Spasovski ka theksuar se deklarata është vetëm një pjesë e aktiviteteve bilaterale dhe partneritetit që nga pavarësimi i Maqedonisë e që në kontinuitet i realizojmë me Gjermaninë.

Modifikuar më Tuesday, 18 September 2018 18:32
Login to post comments

Lajmet e fundit

Paditet kryebashkiaku i Nju Jorkut/ Hetimi federal dhe dyshimet për financimin e fushatës

Globi

Paditet kryebashkiaku i Nju Jorkut/ Hetimi federal dhe dyshimet për financimin e fushatës

    Kryebashkiaku i Nju Jorkut, Eric Adams është paditur për të paktën një akuzë penale dhe është vënë nën hetim federal. Adams do t'i dorëzohet autoriteteve në fillim të javës së ardhshme...

Kraja: Degradim i shtetit ligjor! Korrupsioni i Ramës dihet nga ndërkombëtarët, por ata shpeshherë e mbyllin një sy

Politikë

Kraja: Degradim i shtetit ligjor! Korrupsioni i Ramës dihet nga ndërkombëtarët, por ata shpeshherë e mbyllin një sy

    I ftuar në edicionin e pasdites në SYRI TV me moderatorin Edvin Parruca për të folur për shpërqëndrimin që po i bën Rama shqiptarëve me 'Shtetin Bektashi', mes skandaleve që...

Xhuljan Guçe: Qytetarët e Korçës nuk pranojnë më premtime “pe leshi”

Politikë

Xhuljan Guçe: Qytetarët e Korçës nuk pranojnë më premtime “pe leshi”

Nga Xhuljan Guçe: Në një deklaratë të fundit, drejtuesi i Partisë Socialiste në Korçë, z. Niko Peleshi, njoftoi se partia e tij synon të sigurojë 6 mandate në këtë qark, duke...