Sekretari amerikan i Shtetit, Mike Pompeo është shprehur se është gati të rifillojë negociatat me Penianin, me qëllim denuklearizimin e Koresë së Veriut deri në vitin 2021.

Diskutimet midis të dy palëve kishin ngecur pas një marrëveshjeje të bërë më parë këtë vit.

Por pas takimit të nivelit ndër-korean të kësaj jave, Kim Jong-un ra dakord të mbyllte një vend të madh të lëshimit të raketave.

Presidenti i Koresë së Jugut, Moon Jae-in, dha gjithashtu një fjalim historik përpara dhjetëra mijëra koreanëve të veriut.

Kim pranoi që të denuklearizojë gadishullin Korean pas samitit me homologun e tij të Koresë së Jugut, Moon Jae-in.

Pompeo tha se kjo ishte baza krijimit të marrëdhënieve të rëndësishme me SHBA, e cila ishte e gatshme të angazhohej menjëherë në negociata.

Në një deklaratë, Pompeo tha se kishte ftuar Ministrin e Jashtëm të Koresë së Veriut, Ri Yong-ho që të takohej me të në Neë York  javën e ardhshme.

"Kjo do të shënojë fillimin e negociatave për të transformuar marrëdhëniet SHBA-DPRK [Korenë e Veriut] përmes procesit të denuklearizimit të Koresë së Veriut, që do të përfundojë deri në janar 2021, ku kryetari Kim do ndërtojë një regjim të qëndrueshëm dhe paqe në Gadishullin Korean,"-tha ai.