Një zjarr i madh ka prekur Kaliforninë në qarkun verior të shtetit të enjten, duke e kthyer në hi dhe duke i plagosur disa banorë dhe përgjegjësit e parë, thanë zyrtarët e zjarrfikësave.

Zjarri filloi rreth orës 6:30 në Butte County, që ndodhet rreth 85 milje në veri të Sacramento, tha në një konferencë për shtyp të enjten zyrtarë të Departamentit të Kalifornisë për Pylltarinë dhe Parandalimin e Zjarrit.

Të nxitur nga erërat, zjarri përhapej me shpejtësi dhe deri në orën 2 pasdite përfshiu rreth 18,000 hektarë, thanë zyrtarët.

“Zjarrfikësit vazhdojnë të sfidohen me kushte ekstreme të zjarrit dhe të motit, duke përfshirë erërat e forta dhe me hapsirë të gjërë,” shkroi Cal Fire në faqen e tyre të internetit të enjten.

“I gjithë qyteti është në zjarr”, tha Scott Lotter, një këshilltar i qytetit, për Sacramento Bee. “Është shumë e zymtë.”

Wendell Whitmore, një banor 62-vjeçar, i tha gazetës: “Flakët ishin në pemë, të gjitha shtëpitë ishin në zjarr. Zjarri ishte tre metra larg makinës sime.

Bee gjithashtu raportoi se të paktën dy zjarrfikës dhe disa banorë u plagosën në flakë, duke përfshirë një grua të moshuar me djegie të rënda.