Janë disa pyetje që askush nuk duhet ti bëjë, të tipit: Çfarë bën ky buton i kuq? ” “Çfarë thonë njerëzit për mua?” “A besoni në Santa Claus?”
Tani ne të gjithë e dimë se Santa Claus ekziston. Por për ndonjë arsye, presidenti amerikan hodhi dyshim mbi këtë, kur foli me një fëmijë në prag të Krishtlindjes.
Kjo ndodhi në dhomën e ngrënies së presidentit në Shtëpinë e Bardhë. Donald Trump dhe gruaja e tij Melania morën telefonata nga fëmijët amerikanë, teksa çifti ishte ulur përkrah njëri-tjetrit nën dy pemë të Krishtlindjeve.
Të gjithë fëmijët që telefonoheshin kishin shkruar tek Norad, agjencia qeveritare që gjurmon lëvizjet e Santas në mbarë botën për Krishtlindje ,agjenci që ende funksionon pavarësisht nga mbyllja e pjesshme e qeverisë.
Disa nga këta fëmijë u telefonuan nga Trump dhe gruaja e tij, dhe në sajë të raportimit të gazetarit Kevin Diaz, ne dimë pak nga ajo çfarë ka thënë Presidenti në këto biseda.
Kështu Diaz raportoi: Trump komunikon me një fëmijë me emrin Coleman: “Përshëndetje, ti je Coleman? Gëzuar Krishtlindjet, si je, sa vjeç je? Shkon mirë në shkollë? A beson ende në Santa?
Pamjet e incidentit që qarkullojnë në mediat sociale tregojnë zotin Trump që pastaj i thotë djalit: “Sepse në moshën 7 vjeçare, kjo është e parëndësishme apo jo? ”
Përgjigja e Coleman nuk është e qartë. Dhe as nuk është e qartë pse presidenti Trump e bëri këtë pyetje të veçantë, sepse sigurisht, Santa ekziston përtej mosmarrëveshjeve.
