Një vdekje  e mistershme ajo e gazetarit investigativ rus Maxsim Borodin.  Borodin ishte një gazetar investigativ për gazetën ruse Novy Den. Ai u gjet pa ndjenja jashtë banesës së tij më 12 prill, pasi kishte rënë nga dritarja e apartamentit, u dërgua ne spital, por nuk shpëtoi dot. 32-vjeçari vdiq dy ditë pasi ra nga banesa e tij në katin e pestë.  Miqtë e tij ngrejnë dyshime se vdekja e tij nuk ishte vetëvrasje, por e programuar nga autoritetet, për shkak të profesionit të tij. Në 5 të mëngjesit më 11 prill, një ditë para rënies së tij, një mik i tij ka treguar se Borodin ishte i “alarmuar” sepse shtëpia e tij ishte “e rrethuar nga zyrtarë të sigurisë” të gjithë të maskuar ne fytyre. Në një post në Facebook të shkruar në rusisht, miku i Borodin Vyacheslav Bashkov tha se gazetari kishte një “zë të shqetësuar” pasi ai shpjegoi se ai besonte se policia po priste një urdhër për të ndërhyrë.

Ai tha se Borodin e kishte telefonuar, sepse kishte nevojë për ndihmë për gjetjen e një avokati.

Baskhov tha: “Zëri i Max ishte i alarmuar, por jo histerik dhe unë e mora seriozisht, i premtova se do te njoftoj këdo te kem mundësi dhe do ta telefononte sërish”.

Kyeredaktori ka deklaruar se nuk besonte se ai kishte kryer vetëvrasje. Ndërkohë që gazetari ishte i njohur për investigimet e tij te forta. Një shkrim qe ngjall dyshime është mbi një investigim te tij, lidhur me mercenarët rusë te vendosur në Siri nga një kompani ruse, financuar nga Yevgeny Prigozhin. Ky i fundit është nën akuzë në SHBA që prej shkurtit dhe akuzohet se ka tentuar të influencojë zgjedhjet presidenciale amerikane në vitin 2016.