Një shpërthim ka ndodhur para një stacioni policor në kryeqytetin e Danimarkës, Kopenhagen. Sipas lajmeve në mediat lokale, në shpërthimin e ndodhur në Norrebro, nuk ka pasur viktima ose të plagosur, por është dëmtuar pjesa e jashtme e ndërtesës.

Shpërthimi në afërsi të stacionit policor është shpërthimi i dytë brenda një jave në kryeqytetin e vendit. Në shpërthimin e ndodhur ditën e mërkurë pranë zyrës tatimore të Danimarkës, një person ishte lënduar lehtë. Policia kishte njoftuar se ky shpërthim është një sulm i qëllimshëm.

Ende nuk dihet nëse ka lidhje mes dy shpërthimeve. Policia thotë se është në kërkim të një burri që u pa duke ikur në skenën e shpërthimit të komisariatit, i cili kishte veshur rroba të errëta dhe këpucë të bardha.