Mali Hymettus në Athinë është përfshirë nga flakët mëngjesin e kësaj të hëne. Sipas mediave greke vatra e zjarrit ka qenë shumë afër zonave të banuara, duke shkaktuar panik tek njerëzit.

Zjarrfikëset dhe forcat e policisë  bënë të mundur evakuimin e disa prej  banorëve të zonës. Mësohet se nuk ka persona të lënduar nga flakët.

Era e fortë gjithashtu ndikoi në përhapjen e flakëve, por ekipet e emergjencës kanë ndërhyrë nga ajri me helikopter për të shuar flakët, duke i vënë kështu nën kontroll.

Mendohet se zjarri ka rënë për shkak  të temperaturave të larta, megjithatë pritet të zbulohet shkaku i zjarrit.