Të paktën katër persona kanë humbur jetën dhe një rezulton i zhdukur si pasojë e shirave me një intensitet historik që kanë përfshirë Côte d’Azur-in,Francë që prej së premtes duke shkaktuar përmbytje, sipas autoriteteve.

“Katër trupa janë zbuluar sot në Var”, njoftoi sot një komunikim nga prefektura.

“I pari u gjend në fshatin e Muy, në afërsi të zonës ku një barkë shpëtimi u përmbys  dje në mbrëmje me tre zjarrfikës dhe tre civilë në bord. Një prej civilëve rezulton i zhdukur”, shtoi i njëjti burim.

Rajonet janë në alarm të kuq si pasojë e stuhive dhe përmbytjeve që nga e shtuna, ndërkohë që sipas ‘meteo francë’ gjendja duket pakëz më e qetësuar tani dhe alarmi është ulur në nivelin portokalli.

Disa qytete janë evakuar për shkak të rrezikut të përmbytjeve dhe zyrtarët lokalë në të tjera rajone u kanë kërkuar banorëve të qëndrojnë në shtëpitë e tyre.