Papa Francis, në fjalimin e tij të Pashkëve të dielën, bëri thirrje për paqe në Tokën e Shenjtë dy ditë pasi 15 palestinezë u vranë në kufirin izraelito-gaza, duke thënë se konflikti atje "nuk i kurseu të pambrojturit".

Ai bëri thirrjen e tij në mesazhin e "Urbi et Orbi" (në qytet dhe në botë) nga ballkoni qendror i Bazilikës së Shën Pjetrit per dhjetëra mijëra njerëz në sheshin e luleve ku më parë mbajti një Meshë.

Ai gjithashtu bëri thirrje për t'i dhënë fund "kasaphanës" në Siri, duke bërë thirrje për lejimin e ndihmës humanitare dhe për paqen në Sudanin e Jugut dhe në Republikën Demokratike të Kongos.

Papa duket se i referohet drejtpërdrejt dhunës në Gaza të premten e kaluar, duke bërë thirrje për "pajtim në Tokën e Shenjtë, duke përjetuar në këto ditë plagët e konfliktit të vazhdueshëm që nuk i kursejnë të pambrojturit".

Ministri i mbrojtjes i Izraelit ka hedhur poshtë thirrjet për një hetim mbi vrasjet nga ushtria gjatë një demonstrimi palestinez që u bë i dhunshëm në kufirin e Gazës dhe Izraelit.

Sekretari i Përgjithshëm i NATO-s Antonio Guterres, Federica Mogherini, shefja i politikës së jashtme të Bashkimit Evropian dhe liderë të tjerë kanë bërë thirrje për një hetim të pavarur për gjakderdhjen.

Papa gjithashtu kërkoi paqe për "të gjithë botën, duke filluar me vendin e dashur dhe të përvuajtur të Sirisë, njerëzit e të cilit janë të lodhur nga një luftë me sa duket pafund".