Njerëzit në shtetin verior të Indisë, Punjab, po reagojnë të surprizuar nga ajo çfarë mund të shohin ditët e fundit. Vargmali i Himalajeve tashmë është i dukshmë nga më shumë se 100 milje larg për shkak të zvogëlimit të ndotjes së ajrit të shkaktuar nga izolimi i vendit prej koronavirusit.
Indianët në qytetin e Jalandhar dhe zonën përreth kanë postuar fotografi në internet me pamje nga shtëpitë e tyre, disa prej të cilëve thonë se nuk kanë parë majat e Himalajeve për dekada me radhë.
“Për herë të parë pas gati 30 vjetësh mund të shoh qartë Himalajet për shkak të rënies së ndotjes së ajrit në India nga izolimi. Vërtetë mahnitëse”, shkroi Manjit Kang.
Fenomeni është bërë i mundur nga një përmirësim i dukshëm në cilësinë e ajrit javët e fundit, pasi industritë u mbyllën, rrugët u boshatisën nga makinat dhe linjat ajrore anuluan fluturimet në përgjigje të pandemisë koronavirus.