Kryeministri i Britanisë, Boris Johnson doli nga njësia e kujdesit intensiv në një repart tjetër, ku ai do të vazhdojë të monitorohet.
Cila është gjendja aktuale e kryeministrit?
Johnson tani po vazhdon të përmirësohet dhe po i përgjigjet trajtimit, por monitorimi do të vazhdojë.
Ai thuhet se ka pasur një “natë të mirë” dhe falënderoi stafin e NHS për “kujdesin e shkëlqyeshëm” që ka marrë, tha një zëdhënës.
Duke folur në programin e sotëm të BBC Radio 4, Johnson Snr, babai i Boris Johnson tha se djali i tij nuk do të kthehej në ‘Street Downing’ së shpejti, pasi duhet të pushojë.
Ai tha: “Boris Johnson duhet të pushojë. Ai është zhvendosur nga kujdesi intensiv në një njësi tjetër, por nuk mendoj se mund të them se është i shëruar plotësisht. Boris duhet të marrë kohë. Unë nuk besoj se ai mund të kthehet menjëherë në ‘Downing Street’ dhe të marr frenat pa kaluar një periudhë pushimi”.
Boris Johnson u shtrua në Spitalin St Thomas në Londrën qendrore të dielën (5 Prill) në mbrëmje, pasi gjendja e tij u përkeqësua. Ai u zhvendos në kujdes intensiv rreth orës 7 të mëngjesit të hënën (6 Prill)