Numri i vdekjeve të lidhura me koronavirusin arriti në 100 mijë të premten, pasi numri i rasteve të infektuara kaloi 1.6 milion.
Vdekja e parë ndodhi në qytetin kinez Ëuhan më 9 janar, ku shpërtheu epidemia. U deshën 83 ditë që të regjistroheshin 50,000 vdekjet e para dhe vetëm tetë të tjera që numri i tyre të ngjitej në 100,000.
Numri është duke u përshpejtuar në një normë ditore midis 6% dhe 10% gjatë javës së kaluar; kishte gati 7,300 vdekje të raportuara globalisht të enjten.
Numri i të vdekurve krahasohet me atë të Murtajës së Madhe të Londrës në mesin e viteve 1660, i cili vrau rreth 100,000 njerëz, rreth një të tretën e popullsisë së qytetit në atë kohë.
Por është akoma shumë larg nga i ashtuquajturi grip spanjoll, i cili filloi në 1918 dhe vlerësohet se ka vrarë më shumë se 20 milionë njerëz deri në kohën kur u tërhoq në vitin 1920.
Koronavirusi besohet të ketë shpërthyer nga një treg të Ëuhan, ku shiteshin kafshë të egra, në fund të vitit të kaluar. Shpejt u përhap në Kinë dhe në mbarë botën.
Mbetet për t'u mësuar shumë ende rreth tij, përfshirë edhe sesa vdekjeprurës është. Vlerësimet ndryshojnë shumë.