Një shkencëtare kineze, e cila është një nga ekspertet më të mira në botë për koronaviruset, arriti të zbulojë përbërjen gjenetike të koronavirusit të ri, një arritje thelbësore për prodhimin e vaksinave dhe testeve diagnostikuese.

Megjithatë, Kina ia mbylli gojën, raporton Daily Mail.
Ky zbulim do të nxisë të tjerë shqetësime për mbulimin që i ka bërë Kina kësaj pandemie.

Në qendër të pretendimeve është Shi Zhengli, e njohur si ‘Gruaja Lakuriq’ në Kinë pasi ka shpenzuar vite të tera në ekspedita nëpër shpella, që të kuptojë më shumë për lakuriqët e natës.
Virologia u thirr në laboratorin e sigurisë së lartë në Wuhan në fund të vitit të shkuar pasi u shfaq sëmundja misterioze respiratore.

Brenda tre ditësh, ajo bëri zbërthimin gjenetik të koronavirusit.
Ekipi i saj zbuloi se virusi lidhej me një lakuriq nate, që gjendet të paktën 1 mijë milje larg, në Yunnan të Kinës.

Ajo zbuloi se virusi ishte i ngjashëm me SARS. Një gazetar kinez, Gao Yu, tha se kishte folur me shkencëtaren, e cila i kishte thënë se kishte përfunduar sekuencën e geneve të virusit që më 2 janar, por ia kishin mbyllur gojën.

Daily Mail shkruans e po atë ditë, drejtoresha e Institutit për Virologjinë në Wuhan dërgoi një email te stafi, duke i urdhëruae që të mos jepnin informacion për sëmundjen.
Qëllimi kryesor ishte që të mos përhapej panik.