Rusia është përfshirë  në një fushatë ndërkombëtare hakimi, duke “hyrë me forcë” në miliona kompjutera. Putin është akuzuar nga SHBA dhe Britania e Madhe se është i etur të futet me forcë në të dhënat e dy shteteve.

“Një ditë më shumë, një hakim më tepër ose në rastin e të hënës, disa milion hakime më tepër” thuhet në një artikull të  “The Guardian”.

Së pari, është paksa e pabesueshme që Putin apo agjentët e tij të jenë duke u përpjekur të vjedhin adresën e Amazon, apo thjesht të duan të prishin lidhjen tënde me internetin- thuhet më tej në artikull. Kjo është diçka që vetëm hakerat kriminelë do ta aspironin.

Hakimet e agjensive të inteligjencës janë ndryshe. Fatmirësisht, ekspertët thonë se këta të fundit janë më pak të rrezikshëm. Agjensitë që kanë aftësinë të hakojnë në shkallë të lartë, shpesh i lejojnë hakimet që mund të sulmojnë çdo pajisje të prekshme, derisa të kapin ndonjë shënjestër të dobishme.

Shtetet hakojnë njëri-tjetrin në mënyrë që, nëse ndonjëherë fillojnë një luftë mes tyre, ata të mund të çaktivizojnë sisteme të rëndësishme qeveritare. Nuk është vetëm Rusia që zhvillon aktivitete të tilla.