Presidenti turk, Recep Tayyip Erdogan është shprehur se po planifikon të mbajë tubime zgjedhore në Evropë gjatë muajit të ardhshëm por ai nuk bëri të ditur se në cilat shtete do t’i mbajë këto tubime.

“Në maj do të mbajmë takimet tona të para në sallat sportive në Ervopë. Të gjitha përgatitjet janë bërë. Tani për tani, nuk dua të tregoj se në cilat shtete do të mbajmë tubime”, tha Erdogan.

Gjatë fushatës për referendum vitin e kaluar, Erdogan pati përplasje me disa nga liderët evropianë ku mbajti tubime pasi në këto vende jeton diaspora turke por shtetet si Gjermania, Holanda dhe Austria nuk i pranojnë tubimet e tilla.

Ndërsa më 24 qershor priten të mbahen zgjedhje të parakohshme parlamentare dhe presidenciale.