Teprimi i pirjes së kafesë mund të çojë deri te efektet anësore, të cilat deri tani ndoshta edhe i keni vërejtur, por nuk i keni lidhur me kafenë. Në çdo gjë duhet të kënaqeni me masë, ndërkaq ky rregull vlen edhe për kafen. Shumica e njerëzve nuk e fillojnë ditën pa një filxhan kafe, lajm i mirë është që kjo ka edhe mjaft përparësi shëndetësore, siç është jetëgjatësia.

Mirëpo, teprimi me këtë pije mund të çojë deri te efektet anësore të cilat deri tani ndoshta edhe i keni vërejtur por nuk i keni lidhur me kafen. Natyrisht, nuk duhet të hiqni dorë nga kjo pije, por kushtoni kujdes të mos e teproni me sasinë ditore.

Jeni të shqetësuar

Nga teprimi i pirjes së kafes bëheni dukshëm nervoz, sepse kafeina stimulon sistemin e mesëm nervor, ndërsa njëkohësisht lidh nivelin e adrenalinës, dopaminës dhe glutaminës. Ky kombinim mund të çojë deri te vështirësitë, nervozizmi, rrahjet e shpejta të zemrës, madje edhe deri te shpërthimi i hidhërimit.

Ju bie energjia gjatë ditës

Kafja mund t’ju çlodhë shumë shpejt dhe t’ju japë energji, mirëpo kur ajo energji të shpenzohet do të ndodhë ulje shumë e fuqishme. Disa hulumtime kanë treguar edhe se kafeina mund të shkatërrojë produktivitetin, gjë që mund të çojë deri te sabotimi në punë.

Shpesh ju duhet të shkoni në tualet

Kafeina është diuretik, gjë që do thotë që me pirjen e shpeshtë të kafes, do të urinoni më shpesh. Derisa hulumtimi tregon se si nga kafja nuk mund të dehidratoheni, e vërteta është që edhe pse me të nuk pini ujë mjaftueshëm, trupi juaj nuk do të jetë mjaft i hidratuar.

Orari i gjumit ju është çrregulluar

Ekspertët pajtohen që kafja mund të çrregullojë gjumin dhe të zvogëlojë cilësinë e tij, por edhe gjatësinë. Madje edhe nëse kafen e konsumoni 6 orë para se të shkoni në gjumë, mund të ndodhë që në mbrëmje të mos mund të flini. Kafja gjithashtu mund të çrregullojë ritmin ditor të organizmit tuaj, për çka do të ndiheni të lodhur dhe të plogësht gjatë ditës.