Për të gjitha vajzat që dashurojnë fustanet dhe njëkohësisht nuk i ndahen dot stilit të xhinseve, kemi një lajm të mirë: Fustanet e xhinsit janë kthyer në trend këtë sezon dhe mënyrat për t’i veshur ato Janë të shumëta… Në listën e mëposhtme kemi grupuar 5 prej kombinimeve më interesante të fustanit të xhinsit gjatë vjeshtës, në mënyrë që veshja juaj të jetë “on top” dhe super- chic.

1

Fustan xhins i kombinuar me xhaketën e leopardit (super në modë këtë sezon)
Leopardi është printi i sezonit dhe kjo gjë tashmë është e dukshme, por ajo që na surprizon është fakti që ky print përshtatet kaq bukur me xhinsin si material. Gjithashtu, takat e ulëta dhe këpucët balerina do të dukeshin shumë bukur me kombinimin e mësipërm.

2

Fustan xhins i kombinuar me bluzë me vija e me geta shumë të trasha
Fustani prej xhinsi me tiranda është një tjetër arsye përse ju duhet të investoni në një bluzë interesante me vija. Sigurisht që kjo bluzë duket shumë bukur edhe me një palë pantallona xhins, por kombinimi me fustanin e çon veshjen tuaj në një tjetër nivel.

3

Fustan xhins i kombinuar me xhaketë të shkurtër e me çizme deri te kyçet
Fustani i xhinsit mund të jetë gjithashtu neutral e të duket po aq bukur, njëngjyrësh, që shkon me gjithçka, por pse të mos guxoni me diçka më të theksuar për ta bëre veshjen tuaj të bjerë në sy?

4

Fustan xhins i kombinuar me çizme mbi gju
Fustanet e xhinsit nuk janë vetëm për veshjet e ditës, një kombinim mbrëmjeje do të ishte super- chic i menduar në këtë mënyrë.

5

Fustan xhins i kombinuar me xhaketë xhins dhe shapka
Xhinsi në xhins është gjithmonë një zgjedhje e mirë, gjithashtu rripi në bel është zgjedhja ideale për dy arsye: 1. Jep idenë e belit të hollë dhe 2. i jep një prekje një ekstra një look-u total xhins.