Televizionet dhe portalet u mbushën ditën e sotme me lajmin e 'bujshëm' se dy deputete të Partisë Drejtësi Integrim dhe Unitet, na qenkan bashkuar me Partinë Socialiste. Bëhet fjalë për deputeten Elena Xhina të Elbasanit dhe Reme Lala e Dibrës.

Në fakt në këtë proces kalimi lajmi është diku tjetër. Dy deputetet e nderuara bënë sot një kapërcim të rëndësishëm nga Partia Socialiste, që nga sot ato janë anëtare të denja të Rilindjes.

Është ky kalim i vetmi sepse cdo elbasanas dhe dibran e di shumë mirë se këto dy deputete në fakt që prej fushatës së qershorit të kaluar kanë qenë te Partise Socialiste. Bënë fushatën e përbashkët, përdorën të njëjtat burime financiare, përdorën të njëjta metoda dhe aleancën e njeri-tjetrit për tu zgjedhur.

Lala deputetja që fitoi mandatin me PDIU-në me mbështetjen e jashtëzakonshme të strukturave të PS atje. Ashtu sikurse edhe në Elbasan pati një bashkëpunim shumë të mirë mes Elena Xhinës dhe Qazim Sejdinit. Deputetet në fjalë gjithmonë e kanë shprehur simpatinë për kryeministrin Edi Rama dhe PS-në.

Ndaj edhe elozhet e Reme Lalës ndaj Ramës sot nuk ishin lajm.

I vetmi lajm ishte ai iiceremonisë së kalimit të dy deputeteve nga Partia Socialiste te sekti i Rilindjes. /55news.al/