Nga Petrit Vasili

Ethet e Nilit janë një kërcenim i qartë dhe serioz. Parandalimi është themeli i evitimit të rasteve fatale. Evropa mjekësorë, por edhe Ballkani në veçanti janë të shqetësuar seriozisht për këtë.

Ne të gjitha shtetet kufitare ka raste shfaqjeje ka dhe raste me humbje jete. Çfarë pret qeveria që të ndodhin vdekje dhe pastaj të bëjnë sikur qajnë e ngashërehen nga hidhërimi, komedi të cilën kjo qeveri e luan pacipesisht.

Qeveria, që bën spote dhe video pa fund edhe për një mur që lyhet diku apo për një rruajtje mjekre të kryeministrit ka mbyllur gojën.

Qeveria dhe ERTV nuk kane shpenzuar asnjë minute të vetme për të informuar apo sensibilizuar qytetaret.

Asnjë titullar i Ministrisë se Shëndetësisë nuk ka bere asnjë prononcim të vetëm zyrtar për këtë problem të rëndësishëm të shëndetit publik siç janë Ethet e Nilit Perëndimor.

Qeveria që shqyen qesen për koncesionet kursen edhe qindarkat dhe nuk bën një spot televiziv të vetëm informues për qytetarët.

Qeveria është memece se gjuhen ja shkulen koncesionet.

Papërgjegjshmëri dhe Injorance e tille nuk është parë në shëndetësi.

Respekt për punonjësit e shëndetit publik, që ndonëse pa përkrahje dhe të nënvlerësuar nga kjo qeveri injorante bëjnë punën e tyre me përkushtim.